Kultur eta tradizio animazioak

Herrietako bestak
Zezensuzkoa
Urruñako astearteak

Urte osoan zehar herrietako bestak, ihauteriak eta bestelakoak antolatzen ditugu gure kultura biziarazten segitzeko.

Herrietako bestak

Donibane Lohizuneko bestak

Lohizundarren urteko garairik garrantzitsuena dira. 4 egunez besta giroa da hiri osoan!

Urtero, ekain bukaeran, hiria eta biztanleak gorri eta beltzez beztitzen dira, ohiturak agintzen duen bezala. Gazte eta zahar, inork ez lituzke huts eginen 4 egun horiek.

Ziburuko bestak: Bixintxoak

Ziburuko Bixintxoak dira besta denboraldiko lehenak. Tradizioari jarraikiz, urtero urtarrilaren azken hamabost egunetan egin ohi dira.

Egitaraua osatzeko badira zaldiko-maldiko feria, zintzur bustitzeak, kontzertuak, ikuskizunak eta beste hainbat animazio.

Urruñako Bixintxoak

Urruñako Bixintxoak irailaren lehen asteburuaren inguruan ospatzen dira, 5 egunez.

Hainbat animazio eta kultur ekitaldi antolatzen dituzte.

Getariako bestak

Herriko bestei dagokienez, Getariak badu berezitasuna.

Besta nagusiak agorril bukaeran egiten dira, kontzertu, ikuskizun, dantza eta beste hainbat animaziorekin... Baina, Getariako egiazko bestak abendu hasieran izaten dira. Besta xumeagoak dira, baina egiazkoagoak, eta San Nikolas herriko patroiaren omenez egiten dira.

Zezensuzkoa

Donibane Lohizuneko udako animazio nagusienetako bat!
Azken hamarkadetako udetan, astean behin baino gehiagotan, Zezensuzkoak Luis XIV plaza alaitzen du. Baliteke Donibane Lohizune izatea zezensuzko gehien egiten dituen hiria.

Uda osok igande eta asteazken arrats guziz erritu bera errepikatzen da. Iluntzean, argiteria itzali, musika isildu eta denak haren beha egoten dira. 15 minutuko ikuskizuna, txiki eta handien pozgarri. Aldiro jendetza hurbiltzen da hiriko plazara!

Urruñako astearteak

Arrats batez kanpotarrek euskal dantza, kanta eta pilota ezagut ditzaten.
Udako asteartero, irailaren 15a arte, kultura eta tradizio ikuskizuna eskaintzen dute dohainik herriko plazan.

Gainera, astearte batetik bestera dantza eta kantu ikuskizun desberdina ematen dute.
Ikuskizuna 19:00etatik 20:30era dohainik, inguruko ostatuetako terrazetan afaltzeko aukerarekin.